|
Leid diversitie in Europe - Hoo can we mak it happen?"
a' Ghàidhlig
Fuftie-Saicant TEJO Warld Youthheid Gaitherin
Twintie-ninth Julie til fift August i Strasburg.
TEJO
an JEFO
(French Esperanto Youthheid Muvement) bids ye tae Strasburg, yin o the
heid toons in 'e European Union an sate o the European Parliament:
a monysided toon, staunin oan 'e Rhine, yin o the muckle watterweys o Europe,
jist oan the French-German border whaur ye'll fin influences fae Alsace
(the pairt o France whaur it's tae be fund), fae France an Germany, an
fae ither pairts o Europe. Strasburg is a gey important political centre
an aa wha win tae the
Gaitherin 'll can pruive this as weel as mibbie haein a luik in at
hits Parliament Hoose. Bit Strasburg isnae alane a symbol o modern Europe;
it haes a feck o ither tracks forby, sic as pairt o the inner toon (ye
can eithlie win tae it fae the biggin whaur the Gaitherin is heeld).
Strasburg wus gien the teetle "Warld Heritage o Mankin" bi UNESKO.
Thereawa ye can daunner aboot in hits couthie gates an vennels whaur caurs
arnae alood..
Ye'll suin fin at this airt o the warld - an particular the toon - gies
mony a raison fur a veesit. Bit atween the 29th and 5t o August -
richt efter the UK in Zagreb
- there's yit mair raison fur young Esperantists tae cum alang an jine
in. As pairt o IJK there 'll be causey rants wi Esperantist airtists
fae aa aroond the warld. Alang wi that - an in tuin wi the theme
o the Gaitherin: "Leid Diversitie in Europe
- Hoo can we mak it happen?" - there's tae be a Leid Rant (Language
Festival). This'll no be jist aboot Esperanto bit 'll tell fowk aboot
mony ither leids an tongues. O coorse sic a happenin 'll be maistly
tae lairrn the public as a hale aboot whit we're daein, sae IJK 'll be
yin o the maist apen an ootgaein yins ivver tae tak place.
Bit as weel there'll be nae wint o the same kin o programme that fowk
wha tak
pairt in IJK gaitherins are yaist tae: a fu programme o day, evenin
an nicht
happenins sic as interestin and yuisefu talks an blether circles
Thir'll be
aboot the kin o thing at interests oor kin o fowk, an they'll
can yuise Esperanto as weel as minoritie leids sic as Breton or Gaelic.
At nicht there'll be heich jinks - a rerr terr fur shair! A wheen o trups
an ootins 'll gie ye a chaunce tae ken 'e kintra roon aboot, Stravaigin
tae airts i France an i Germanie forby. Oo lippen ye'll gree at naebodie
cud be stawed at sic a happenin! Ye'll be gey weel leuked efter ben
'e modren youth hostel whilk taks tent o a nearhan campin steid as weel,
makin yer stay the verra dunt an ae thing ye'll mind fur the lave o yer
life!
Ye'll fin mair aboot hoo tae jine i the fallowin leids:
Esperanto - French
- German - English
(Suddron)
   
|
Scots (Lallans)
Skota
Ecossais
Skotish
-
Traduko:
Girvan
|
