Ach chan eil Strasburg na shamhla den Roinn Eòrpa ùr a-mhàin. Tha feartan eile aige. Mar eisimpleir, fhuair pàirt de mheadhan a' bhaile (as urrainnear ruigheachd gu furasda o àros na Còmhdhail) an tiotal "Oighreachd Choitcheann a' Chinne-daonna" o UNESKO. An sin tèid agad air spaidsireachd thaitneach a dhèanamh ann an ceàrn far am bheil na carbadan toirmisgte. Gheibh thu a-mach gum bheil iomadach adhbhar air son an roinn seo - agus gu h-àraidh am baile - a thadhal. Ach eadar an 29mh den Iuchar agus an 5mh den Lùnasdal - dìreach an dèidh na h-UK ann an Sagreb - tha adhbhar eile aig na h-Esperantacich òga sgrìob a thoirt do Strasburg, oir cluinnear an cànan eadar-nàiseantach an sin! 

Mar chuid den IJK cumar fèill air na sràidean agus bithidh luchd-cluiche às a h-uile tìr a' gabhail pàirte. Cuide ris an fhèill seo, bithidh fèill nan cànan a chionn 's gur e prìomh-chuspair na Còmhdhail "Ioma-chainnteachd anns an Roinn Eòrpa..." Chan ann mu Esperanto a-mhàin a bhios an tachartas seo, ach bheirear brath air iomadh cànan eadar-dhealaichte. Gu nàdurrach, bithidh na fèillean seo air son a phobaill gu lèir - hu h-àraidh na daoine aig nach eil Esperanto, agus mar sin bithidh an IJK tè de na còmhdhailean as fhosgailte a bha ann riamh!

Ach gu cinnteach cha bhi easbhaidh air a' chlàr ris a bheil na co-roinntich cleachdte: clàr beairteach latha, feasgair agus oidhche; òraidean inntinneach agus treòrach grunnanan còmhraidh no oibreach a-rèir fiosrachaidh phearsanta nan co-roinnteach aig a bhios cothrom Esperanto a chleachdadh, no is dòcha cànan de bheag-chuid, mar eisimpleir, cànan na Breatainn Bige, no Gaeilge, no Gàidhlig. Cuideachd, cha bhi easbhaidh de fhearas-chuideachd agus de chaithris-oidhche ghleadhrach! Bithidh àireamh sgrìoban air an dùthaich mun cuairt an àite, an dà cuid anns an Fhraing agus sa Ghearmailt. Thas sinn an dòchas gun aontaich thu nach tèid agad air faireachadh gur fada an t-sìde air tachartas mar seo! Bithidh tu socair, sàbhailt ann an hostail na h-òigridh nuadhasaich a chuireas fàilte air na co-roinnich agus air na daoine a tha a' fuireach anns an àite càmpa faisg air a chum 's gum bi an IJK ann an Strasburg!

Esperanto - Fraingis - Gearmailtis - Beurla

---