La temo "lingva rasismo" ebligos do al la kongresanoj rigardi
internen kaj diskuti pri la statuso de nia movado. Sed ankaŭ alekstera
vidpunkto provizas taŭgan bazon por multfaceta diskuto. Aparte interesa
ŝajnas la eŭropa dimensio de la demando, ĉar kvankam la oficiala politiko
de la Eŭropa Unio estas kompleta egaleco inter la lingvoj de la membroŝtatoj,
la integriĝo de la orienteŭropaj landoj defias tiun politikon, kaj praktike
kaj ekonomie.
Tema Programo
Ni donos poste la kompletan programon,
jen kelkaj eroj por ilustri la riĉecon de la programo:
Prelego pri "Plurlingvismo en Eŭropo" de Claude Piron
(Okazos ankaŭ dialogo kun la aŭtoro en la Gufujo)
Prelego pri "Plurlingvismo" kaj poste Nokta Universitato ĉiuvespere
dum la tuta semajno, de Lauffenburger pri:
Terminologia klarigo,
Lingvistika politiko de Francio,
Elzaca situacio,
Lingvistika Imperiismo kontraŭ lingvistika demokratio.
Diversaj prelegoj, diskutrondoj kaj kursoj:
Lingva problemo en la eklezio, de Ulrich Mathias
Inerkultura Psikologio, de Svetlana Shlafer
Multlingvismo en Niĝerio, de Prince-Henry Oguinye
Okcitana lingvo, de Pfeiffer
Hungara Lingvo, de Csiszar Palma
Alzaca lingvo, ĉiu posttagmeze
Franca lingvo, de Rose Sanz, ĉiu posttagmeze
Germana lingvo, de B. Dockhorn, ĉiu posttagmeze
Kursoj de Esperanto, (baza, meza kaj alta) ĉiumatene
La lingva kaj arta festivalo aldonos
multajn prezentojn de lingvoj kaj artaĵoj, malkovreblaj ne nur de la IJK-partoprenontoj
sed ankaŭ de la ĝenerala publiko, kiu ĉeestos en la centro de Strasburgo,
vendredon vespere kaj sabaton.
Se vi volas proponi pliajn prelegojn, prezentojn de lingvoj aŭ diskutrondojn
kontaktu la Lokan Kongresan Komitaton |
