Pridisputita regiono, multtempe teatro de konfliktoj inter eŭropaj ŝtatoj, Elzaco kaj Strasburgo estas hodiaŭ la kruciĝo kaj centro de okcidenta Eŭropo. Pro tiu pozicio, Eŭropa Unuiĝo elektis en la "arĝentora urbo" (kiel nomis ĝin la Romianoj!) la lokon de la eŭropa parlementejo. Rejno, riverego kiu kreas naturan landlimon inter Francio kaj Germanio, de pli ol dudek jarcentoj, influas la regionon per kulturaj, politikaj kaj ekonomiaj fluoj.	Cikonioj estas la emblemo de Elzaco
"Eta Francio" en la centro de Strasburgo	La urbo enhavas multajn piedirantajn stratojn, la aŭtoj estis parte forpuŝitaj el la centro por havi pli da spaco por bicikloj (300 km da biciklaj vojoj). Historio ĉi-tie aperas en ĉiuj stratoj per la originala arkitekturo (katredalo, kvartalo "Eta Francio", ktp.)... Tial ĝi apartenas nun al la "Tutmonda Heredaĵo de la Homaro", laŭ Unesko. Pro situacio de la urbo en Francio kaj proksime de Germanio, riĉeco kaj diverseco de la lokaj kulturaj programeroj estas garantiitaj! Vi devas sperti la unikan karakteron de ĉi-tiu kaj latineca kaj germaneca urbo. Ĉu necesas ankaŭ insisti pri la gastronomia reputacio de la lando kaj de la regiono?
Por iri ĝis la centro la tramoj estos funkciantaj en somero 2001 por helpi la busajn deĵoradojn. La plej kuraĝaj bezonos tridek minutojn piede por atingi la saman celon.

Geografia lokiĝo

En la kvartalo de la " Montagne Verte " en Strasburgo (sudokcidente de la urbo). 

Akcepteblecoj

La loko povas akcepti 280 homojn en unulitaj, dulitaj kaj kvar-kvin-litaj ĉambroj. 
La eniro estas ankaŭ nokta kaj kun nokta gardisto. 

Nombro de salonoj

Du salonoj kreitaj por kunvenoj (35 kaj 150), du salonoj reuzeblaj en la manĝejo, 
ludsalono, trinkejo, manĝejo. Ĉiuj salonoj estas ŝloseblaj. Uzebleco de kroma 
irejo por la memzorgantoj. 

Ĉambroj

Unulitaj, dulitaj aŭ kvar-kvinlitaj ĉambroj. Ĉiuj havas duŝejon kaj akvujon. 
Oni povas loĝi ilin kun dormsako. Krom la dulitaj ĉambroj, ĉiuj havas 
tukŝrankojn kaj skribtablon. 

Necesejoj

Je ĉiuj etaĝoj, po du necesejoj etaĝe, kun du urinejoj kaj unu akvujo. 

Trinkejo

Spaca loko. Verŝtablo kun bierbareloj. Muziklegilo. La trinkaĵoj povas
esti havigitaj de la gastejo kaj esti vendataj je pli malgranda prezo. 
La deĵoro de esperantistoj eblas. 

Diskejo

Ne estas diskejo, sed eblas krei ĝin ĉu en unu salono de kunveno ĉu en la ludsalono. 

Manĝejo

200 lokoj. Pladoj por vegeteranoj kaj elprenotaj manĝoj haveblaj per antaŭmendo. 
 

Ekstera priskribo

La gastejo havas grandan parkon. La parkejo povas akcepti aŭtojn kaj busojn. ĝi havas enan korton. 

Kampadejo - Memzorgantejo
Por la memzorgantoj, eblos tendumi en apuda kampadejo. Ĝi havas du grandajn higienajn instalaĵojn, kun entute 24 duŝejoj, 24 necesejoj, 24 lavujoj, plus lavejoj por vestaĵoj kaj teleroj. Eblos aĉeti manĝaĵon en proksima komerca centro. La kotizo "memzorgante" inkluzivas la tarifojn por tendumi.

Proksimaj konstruaĵoj

• Komerca centro troviĝas je dek minutoj kaj enhavas superbazaron, bankon, monŝanĝejon.
• Uzeblaj stadioj kaj teniskampo troviĝas malantaŭ la gastejo. 
• Vasta urba parko.