Arthur

intro

La 57a Internacia Junulara Kongreso
de TEJO okazis de la
29a de julio ĝis la 5a de aŭgusto 2001

La venonta IJK okazos en
Pato Branco, Brazilo
21-28a de julio 2002
Pliaj informoj en la IJK2002 TTT-ejo:
http://www.tejo.org/ijk

La fotoalbumo de IJK 2001
troveblas en
http://ijkfotoj.free.fr
Vi povas ankaŭ kontribui al tiu albumo
sendonte viajn plej belajn fotojn al
ijk2001 (à) netcourrier.com
komentoj kaj rakontoj
estas ankaŭ bonvenaj!

Por informoj : enreta aliĝilo
aŭ PDF-aliĝilo (73 kb)
Invito de TEJO, tradukitaj en 27 aliaj lingvoj:

TEJO kaj JEFO (Junulara Esperantista Franca Organizo) invitas vin al unu el la ĉefurboj de la Eŭropa Unio, la sidejo de la Eŭropa Parlamento: Strasburgo, urbo kun multaj facetoj. Situante ĉe unu el la grandaj riveroj de Eŭropo, la Rejno, ĉe la Franc-Germana landlimo, ĝi estas influita de kaj tipe Elzacaj (la regiono en kiu situas la urbo), Francaj, Germanaj, aliaj Eŭropaj kaj alikontinentaj kulturoj. Ĝia politika signifo estas nedubebla kaj la kongresanoj povos mem ricevi impreson pri tio dum vizito kaj eble eĉ aranĝo en la Parlamentejo.

Sed Strasburgo ne nur estas simbolo por moderna Eŭropo, abundas aliaj flankoj krom tiu de moderneco. Ekzemple parto de la centra urbo - facile atingebla de la kongresejo - akiris la statuson de "Tutmonda heredaĵo de la Homaro", kiun donas UNESKO. Tie ĉi eblas belegaj promenadoj tra kvartalo kie aŭtotrafiko estas malpermesita.

Konstateblas ke jam la gastiganta regiono kaj speciale la urbo donas multajn kialojn por kapti la okazon viziti ĝin. Sed inter la 29a de julio kaj la 5a de aŭgusto - tuj post la UK en Zagreb - ĝi estos ankoraŭ pli vizitinda por junaj Esperantistoj ĉar rimarkeblos tie la internacia lingvo! Nome, kadre de la IJK okazos stratarta festivalo kun Esperantistaj artistoj el la tuta mondo. Lige kun ĝi kaj precipe ankaŭ kun la ĉeftemo de la kongreso: "Plurlingvismo - kiel ĝin sukcesigi?" estas lingva festivalo kiu temos ne nur pri Esperanto sed oni informos tiam pri multaj diversaj lingvoj. Evidente, tiuj aranĝoj celas precipe ankaŭ la ĝeneralan publikon kaj sekve la IJK estos unu el la plej malfermaj iam ajn!

Sed certe ne mankos la programo, kiun IJK-partoprenantoj kutimas sperti: riĉa taga, vespera kaj nokta programoj, do interesaj kaj instruaj prelegoj, diskut- aŭ laborrondoj, kiuj estas aparte proksimaj al propraj spertoj de partoprenantoj, kiuj provas utiligi Esperanton aŭ eble minoritatan lingvon kiel ekzemple la Bretonan en sia ĉiutago, same ne mankos kiel nokta diboĉado kaj bambumado! Diversaj ekskursoj ebligas interkonatiĝon kun la ĉirkaŭa regiono al celoj en Francio same kiel ankaŭ en Germanio. Espereble vi estas konvinkita ke enuiĝo en tiu evento simple ne eblas! Por la bonfarto zorgas ankaŭ la agrabla kaj moderna junulargastejo, kiu gastigas la partoprenantojn kaj apuda tendumejo, tiel ke la partopreno estu kiel plej eble agrabla kaj la IJK en Strasburgo fariĝu neforgesebla travivaĵo!

IJK okazos de dimanĉo ĝis dimanĉo,
la semajno post la Universala Kongreso en Zagrebo,
enkalkulante unu plenan tagon por homoj,
kiuj deziros vojaĝi de UK al IJK.

En tiu TTT-ejo vi povas nun scii pli pri:
la temo de tiu renkonto: Plurlingvismo en Eŭropo: Kiel ĝin sukcesigi?
la programo: ekskursoj, vespera programo, infana programo...
Ene de la programo speciala paĝo estas dediĉita al la lingva festivalo
la gastiganta urbo Strasburgo, en Elzaco, en Francio, landlime de Germanio
kiel veni al IJK, aeroplane, trajne, aŭte, bicikle, piede, el UK en Kroatio
kaj fine pri la diversaj kontaktoj de la organizantoj.