Loko : Parc de la Citadelle / Parko de la Citadelle

18h00-19h00 : Krio de Morto, pola grupo
19h00-20h00 : Swan Dive
20h00-21h00 : Christophe Voltz, elzaca kantisto
21h00-22h00 : Koncerto de la franca rokgrupo Kore

La rokgrupo Kore koncertos!

Se vi ne jam konas tiun grupon, 
vi povas malkovri ĝian muzikon en http://mp3.com/kore
kaj vidi pliajn fotojn en la ttt-ejo de Kore http://elkore.free.fr

22h00-23h00 : Koncerto de Solotronik, hispana tekno 
Solotronik

Solotronik

Malkovru la diskon PoLimoRFiA ArKiteKnia
 

Sabato 4-a de aŭgusto 2001 10h

Loko : Parc de la Citadelle / Parko de la Citadelle

10h00-11h00 : Hans-Peter Bartos > "Internaciaj dancoj"
11h30-12h30 : Pascale > "Rakontoj"
14h30-15h30 : Velado > "Velu kun mi"
15h00-15h45 : Ecole de Beograd > "Artaĵaro"
15h30-16h30 : Pascale > "Rakontoj"
16h00-17h00 : "Tradiciaj dancoj kaj kantoj el Serbio"
17h00-18h00 : Demodocos "La Persoj"
17h30-18h30 : Hans-Peter Bartos > "Internaciaj dancoj"
18h00-19h00 : Teatra grupo de Jagodina > "Rekviemo por la perdintoj"
19h00-19h40 : A Priori "World Music" koncerto

MIGRADAJ SPEKTAKLOJ

Migradaj strat-spektakloj okazos kaj ĉe la urbo-centro de Strasburgo, kaj
ĉe la Parko de la Citadelle, kaj ankaŭ sur la vojo inter tiuj du lokoj !
Ĉe la strat-anguloj, vi povos trafi :

"Klaŭnaĵoj" de Larry Danto
"Arlekino" de Henrri De Sabates
"Tiu homo skribas" de Fabien Bellat
"La geedzoj" de La Compagnie de Théâtre
"Mimaĵoj" de Flavie Audibert
"La hunda danco" de Kim J. Henriksen

LINGVA FESTIVALO
 

Okaze de la festivalo "Artoj & Lingvoj", la Parko de la Citadelle
transformiĝos la 4-an de aŭguston en vera lingvejo, kie vi povos malkovri,
pere de rapidaj kursetoj, la plej diversajn lingvojn, kun inter alie : la
serba, la kastilana, la hungara, la kroata, la ĉuvaŝa, la ukaina, la
portugala, la navara.....kaj kompreneble Esperanto !

Plie de la lingva festivalo, ĉiuspecaj budoj staros en la Parko de la
Citadelle (ŝminkado por infanoj, kaligrafio, korpa pentrado, ktp), kun
precipe partopreno de lokaj asocioj kiel Elzaco-Kanado, Unuiĝo de la
Elzacaj Beninianoj, Jida asocio, la Mondaj Metiistoj...

Sonja Petrovic (la serba), 
Ricardo Carillo (la hispana), 
Palma Csiszar (la hungara), 
Katja Burmisova (la tĉuvaŝa), 
Daniejla Drakula (la kroata), 
Roberto Resende (la portugala), 
Xosé Condé (la navara...parto de Hispanio)
 
 

---

Prezento de la festivalo

---

Celoj: malfermi la kongreson al Malesperantio; montri konkretan uzadon kaj utilecon de Esperanto; montri ankaŭ la diverslingv- kaj kultur-emon de Esperanto; paroligi pri Esperanto en la loka (kaj eble nacia) gazetaro, diskonigante ĝin al la tiea publiko kaj kreante kultura evento en la regiono; malkovrigi artistojn, aliajn lingvojn kaj aliajn kulturojn.
 

LOKO: mezurbe de Stasburgo, ĉe placo kaj tra la stratoj
DAŬRO : 2 tagoj (maksimume)
DATO: 3-4-a de aŭgusto
ALIRO: senpaga *
*(la rubriko "aliĝo" koncernas la tutan kongreson IJK 2001 kiu okazos de la 29 de julio ĝis la 5a de aŭgusto)

Arta parto de la festivalo:

Ĝi konsistos en diversaj artaĵoj prezentotaj aŭ ĉe la koncentriga loko (la publika placo aŭ parko) aŭ tra la stratoj de Strasburgo.

Strataj artoj estas artaĵoj, kiuj estas prezentataj ekstere (ĝenerale) kaj publike (kaj tial ofte senpaga por la publiko, ĉar la stratoj estas loko, kiu apartenas al ĉiuj kaj do spektebla de ĉiuj...). Ekz. la muzikistoj, kiuj ludas en la metroo estas iel-maniere "strataj artistoj".

Por strataj artoj, preskaŭ ĉiu-specaj artaĵoj eblas (la artaĵo devas nur adaptiĝi al la loko kaj al la publiko: ĉi-rilate, en strataj artoj, la rilatoj inter la artistoj kaj la publiko estas ege pli gravaj kaj atentindaj ol ĝenerale). Jen kelkaj ekzemploj:
 

strata teatro  "plastikaj artoj" (fotoj, pentraĵoj, konstruktoj, filmoj, ktp...)  "land art" (artaĵojn en la natura aù urba pejzaĝo) skulpturaĵoj "happenings" (teatraj okazaĵoj ne-atenditaj) legado de tekstoj aù poemoj deklamado da fabeloj mimaĵoj pupteatro strataj koncertetoj cirkaj artoj (ĵonglado, magio, ktp.) dancoj kantoj ĝardenaĵoj (ekz. floraj skulpturoj aù aranĝoj)

Lingva parto

Ĝi konsistos en lingvaj kursetoj aŭ prezentoj, kiuj okazos per budoj ĉe la koncentiga loko de la festivalo.

Tiuj lingv-kursetoj estos malfermataj al ĉiuj (t.e. kaj al kongresanoj kaj al Strasburganoj). Tial estos du eblecoj:

• aŭ la kursetoj estos per la rekta metodo (vd. Cseh-metodo), t.e. en la instruata lingvo mem (sed eble tio petos de la instruisto pli da sperto pri tiu metodo kaj pli da preparado),
• aŭ tiuj kursetoj (aŭ prezentetoj) estos en Esperanto kaj tradukitoj (per iu franca e-ista interpretisto) en la franca.

Ĉiuj kaj ĉiaj lingvoj estos prezenteblaj (eĉ se, pro la subvencipetoj, la Eŭropuniaj lingvoj estos preferataj de la Eŭropa Parlamento) :

• regionaj lingvoj
• naciaj lingvoj
• internaciaj lingvoj
• "mortintaj" lingvoj
• ktp